लगातारको भीषण वर्षासँगैको बाढीले झापाको दुई ठाउँमा पूर्व–पश्चिम राजमार्ग अवरुद्ध भएको छ।
जिल्ला प्रहरी कार्यालय झापाका अनुसार काँकडभिट्टास्थित कालीखोलाको बाढीले राजमार्गमा क्षति पुर्याएपछि त्यहाँ राजमार्ग ठप्प भएको छ भने झापाकै शिवताक्षीको सुकुना खोलाले पनि बाटोमा क्षति गरेको छ।
मेचीनगर नगरपालिका–६ (काँकडभिट्टा बजार पश्चिम) र सुकुना खोलामा आएको बाढीले सिवसत्ताक्षी नगरपालिका–१० मा सडक अवरुद्ध बनाएको हो।
त्यस्तै कनकाई माईको बाढीले सडकमा क्षति पुर्याएपछि हुलाकी राजमार्ग पनि अवरुद्ध बनेको छ।
जिल्ला प्रहरी कार्यालय झापाले जारी गरेको सार्वजनिक सूचनामा उल्लेख भए अनुसार झापा गाउँपालिका २ मा हुलाकी राजमार्ग बाढीले भत्काएको छ।
सो स्थानमा दुई सयभन्दा बढी घरहरू बाढीको डुबानमा परेका छन्।
झापा प्रहरीका अनुसार झापा गाउँपालिका क्षेत्रमा मात्रै ५ सय घरपरिवार डुबानमा परेका छन्।
स्थानीयबासीलाई सुरक्षित ठाउँमा सार्ने क्रम चलिरहेको छ।
-1746009348.jpg)
