लाङटाङमा बेपत्ता भएका चार जनाको खोजी भइरहेको छ।
गोसाइकुण्ड गाउँपालिका-४ बेरिङ खोल्साले बगाएका चार जनाको नेपाल प्रहरी र सशस्त्र प्रहरी बलको टोलीले विभिन्न ठाउँमा खोजी गरिरहेको छ।
बेपत्ता हुनेमा मध्यपुर थिमि नगरपालिकाकी संस्कृति श्रेष्ठ, किशन श्रेष्ठ, संगीता श्रेष्ठ र भक्तपुर नगरपालिका-१० बस्ने रवि श्रेष्ठ छन्।
उनीहरूको खोजी गर्न सशस्त्र प्रहरी बल नेपाल नेपाल नं.२० गुल्म रसुवाबाट बिपद् ब्यबस्थापन तालिम प्राप्त सुरक्षा फौज टोलीले स्याफ्रुबेशीस्थित भोटेकोशी नदी आसपास खोजी गरिरहेको सहप्रवक्ता तथा डिएसपी शैलेन्द्र थापाले जानकारी दिए।
अस्थायी सुरक्षा बेश मैलुङ्ग र नेपाल प्रहरीको संयुक्त टोली मैलुङ्ग स्थित त्रिशुली खोला आसपास खोजी भइरहेको छ।
१६ जना लाङटाङमा ट्रेकिङ गएका थिए। त्यसमध्ये आठ जनाको टोली घोडातबेलामा पुगेका थिए। त्यसबाहेक आठ जना पछाडि आइरहेका थिए। त्यसमध्ये चार जनालाई एक्कासि खोल्सामा आएको बाढीले बगाएर बेपत्ता बनाएको हो।
-1746009348.jpg)
