जल तथा मौसम विज्ञान विभागका अनुसार पूर्वीनवलपरासीमा भारी वर्षा भएको छ। विभागका अनुसार पूर्वीनवलपरासीको सेमरीमा पछिल्लो २४ घन्टामा १८३ मिलिमिटर वर्षा भएको छ। त्यस्तै परासी केन्द्रमा १०६, रौतहटको चन्द्रपुरमा ११६ मिलिमिटर वर्षा भएको छ।
उदयपुरगढीमा ७२.८, कमला नदी आसपास ७३.६ मिलिमिटर वर्षा भएको छ।
जल तथा मौसम विज्ञान विभाग, मौसम पूर्वानुमान महाशाखाले हाल मनसुनको न्यूनचापीय रेखा सरदर स्थान आसपास (भारततर्फ) अवस्थित रहेको बताएको छ। तर नेपालको मौसम प्रणालीमा अरब सागर तथा बंगालको खाडीबाट जलवाष्पयुक्त हावाको प्रभाव रहेको महाशाखाको भनाइ छ।
महाशाखाका अनुसार बिहीबार दिउँसो देशभर साधारणतया बदली रहनेछ।
कोशी, बागमती, गण्डकी, लुम्बिनी र सुदूरपश्चिम प्रदेशलगायत देशको पहाडी भू–भागका केही स्थानहरूमा तथा बाँकी भू–भागका थोरै स्थानहरुमा मध्यम वर्षाको सम्भावना रहेको छ।
कोशी, मधेस, बागमती, लुम्बिनी र सुदूरपश्चिम प्रदेशका पहाडी र तराई भू–भागका एक–दुई स्थानमा भारी वर्षाको सम्भावना रहेको छ।
बिहीबार राति देशभर साधारणतया बदली रहनेछ। कोशी, मधेस, बागमती, गण्डकी र लुम्बिनी प्रदेशका थोरै स्थानहरूमा तथा बाँकी भू–भागका एक–दुई स्थानमा मध्यम वर्षाको सम्भावना रहेको महाशाखाले जानकारी दिएको छ।
-1758156464.png)
-1758107792.jpg)
-1746009348.jpg)
