काभ्रे प्रहरीले दुई दिनमा ७३० राउण्ड गोली र ७ जनालाई नियन्त्रणमा लिएको छ।
शनिबार र आइतबार जिल्ला प्रहरी कार्यालयबाट खटिएको टोलीले हराएको ७३० राउण्ड गोली फेला पारेको छ। २४ गते इलाका प्रहरी कार्यालय बनेपामा आगजानी गरेका ७ जनालाई नियन्त्रणमा लिइएको छ।
काभ्रे बनेपा नगरपालिका-९ घर ३४ वर्षीय अच्युत खड्का, २६ वर्षीय सिजन सुवाल,२८ वर्षीय सुबास गौतम, बारा बनौली सखुवा ८ बस्ने २० वर्षीय इशाक भनिने महेश मुखियालाई नियन्त्रणमा लिइएको जिल्ला प्रहरी कार्यालयले जनाएको छ।
त्यस्तै, मकवानपुर बकैया गाउँपालिका-६का २४ वर्षीय सुशान्त लो, काभ्रे तेमाल गाउँपालिका-२ को २१ वर्षीय तिमोथी तामाङ, रामेछाप उमाकुण्ड गाउँपालिका-४ का २३ वर्षीय प्रविन कार्कीलाई नियन्त्रणमा लिएको छ।
उनीहरूमाथि अनुसन्धान भइरहेको जिल्ला प्रहरीले जनाएको छ।
-1746009348.jpg)
