नेपाल प्रहरीले कारागार कार्यालय तथा हिरासतबाट भागेका कैदीबन्दी तथा थुनुवाहरूलाई सम्पर्कमा आउन अनुरोध गरेको छ।
बिहीबार प्रहरी महानिरीक्षकको सचिवालयले एक विज्ञप्ति जारी गर्दै कैदीबन्दी तथा थुनुवाहरूलाई सम्पर्कमा आउन अनुरोध गरेको हो।
उनीहरूलाई जिल्ला प्रहरी कार्यालय, स्थानीय प्रहरी इकाईहरू वा अन्य सुरक्षा निकायको स्थानीय कार्यालयहरूमा सम्पर्क हुन जान भनेको छ।
भदौ २३ गते भएको प्रदर्शनपछि प्रहरी हिरासत, कारागारबाट कयौं कैदीबन्दी तथा थुनुवा फरार भएका छन्।
नख्खु कारागारबाट राष्ट्रिय स्वतन्त्र पार्टीका सभापति रवि लामिछाने पनि निस्किएका थिए। उनले भने आफू विधि पुर्याएर निस्किएको दाबी गरेका छन्।
त्यसपछि आगजनी हुँदा कारागार रित्तिएको छ।
त्यस्तै केन्द्रीय कारागारको भद्रबन्दीगृहबाट पूर्वउपप्रधानमन्त्री टोपबहादुर रायमाझी, पूर्वगृहसचिव टेकनारायण पाण्डेय लगायत पनि फरार छन्।
सुन तस्करी तथा हत्याका दोषी गोरे भनिने चुडामणि उप्रेती फरार छन्। यसरी हजारौं कैही फरार भएका छन्।
उनीहरूलाई फर्किन प्रहरीले अनुरोध गरेको हो। यद्यपि सेनाले पनि कतिपय कैदीबन्दीलाई नियन्त्रणमा लिएर कारागार फर्काइरहेको छ।
-1746009348.jpg)
