ललितपुर महानगरले उद्यमी महिलाको उत्पादनलाई बजारसम्म पुर्याउन 'एलएमसी हाटबजार एप' सार्वजनिक गरेको छ।
महानगरमा दर्ता भएका उद्यमीले उत्पादन गरेका उत्पादनलाई बजारसम्म पुर्याउन यो एप निर्माण गरी सार्वजनिक गरिएको महानगरका प्रमुख चिरीबाबु महर्जनले जानकारी दिए।
उनका अनुसार महिला उद्यमीले आफ्नो उत्पादनको सम्पूर्ण विवरण उक्त एपमा राख्नुपर्छ। बिक्रेताले एप्समा राखेको सामान खरिद गर्न लगइन गरी अर्डर गर्न सक्छन् भन एपमा उतपादन राख्न उद्यमीले महानगरका सम्पर्क गरी राख्न सक्नेछन्।
'महिलाको उत्पादनलाई बजारिकरणका लागि ल्याइएको एप एक महत्वपूर्ण ‘टुल’ हुनेछ,' उनले भने, 'यो एपले ‘उत्पादन छ तर बजार छैन भन्ने कुरालाई हल गर्न केही हदसम्म सहयोग गर्ने महानगरको विश्वास छ।'
यस्तै, उपप्रमुख तथा महिला उद्यमशीलता सहजिकरण केन्द्रका संयोजक मञ्जली शाक्य बज्राचार्यले उद्यमीले उत्पादन गरेको उत्पादनले बजार नपाइराखेको अवस्थामा बजारसम्म उत्पादनलाई पुर्याउन एप महत्वपूर्ण हुने बताइन्।
'उद्यम र व्यवसाय एकै होइन, उद्यमीले व्यवसाय संचालन गर्न गाह्रो हुन्छ, यो एपले उद्यमीलाई क्रेतासँग जोड्न सजिलो बनाउँछ,' उनले भनिन्।
वर्षैपिच्छे वडा र महानगरले धेरै वटा हाट बजार संचालन गरेपनि सधै संचालन भइरहने बजारका लागि यो एप ल्याएको उपप्रमुख बज्राचार्यले बताइन्।
महिला शाखा प्रमुख शोभादेवी खरेलले महिला उद्यमीलाई आफ्नो उत्पादनको बिक्री वितरण गर्न यो एप महत्वपूर्ण हुने धारणा राखिन्।
-1755241369.jpg)
-1746009348.jpg)
