अख्तियार दुरूपयोग अनुसन्धान आयोगले भूमिसुधार तथा मालपोत कार्यालय भक्तपुरका प्रमुख कुमार आचार्यसहित २ जनाविरूद्ध भ्रष्टाचार मुद्दा दर्ता गरेको छ।
प्रमुख आचार्य र कार्यालय सहयोगी टीकाराम राउतविरूद्ध अख्तियारले बुधबार विशेष अदालतमा मुद्दा दर्ता गरेको हो।
उनीहरूले चाँगुनारायण नगरपालिकामा १४ रोपनी ४ आना जग्गाको धनी पुर्जा बनाउन घुस लिएको अख्तियारको आरोप छ।
उनीहरूलाई अख्तियारले असार ३१ गते २४ लाख ५० हजार रूपैयाँ घुससहित नियन्त्रणमा लिएको थियो।
अनुसन्धानको क्रममा प्रमुख आचार्य र कर्मचारी राउत पूर्व योजनामा घुस लिने कार्य भएको देखिएकाले मुद्दा चलाइएको अख्तियारका प्रवक्ता राजेन्द्रकुमार पौडेलले जानकारी दिए।
'प्रमुख कुमार र राउतको पूर्वयोजनामा घुस लिने गरेको प्रमाणहरू भेटिएको छ,' उनले भने।
उनीहरूविरूद्ध घुस लिएको रकम बराबर बिगो माग दाबी गर्दै मुद्दा दर्ता गरिएको उनले बताए।
-1746009348.jpg)
