रामेछापमा गाडी दुर्घटना हुँदा एक जनाको मृत्यु भएको छ।
आइतबार बिहान साढे ५ बजे मन्थली नगरपालिका-६ बोक्से भीरमा बा १३ च ३९३५ नम्बरको गाडी दुर्घटना हुँदा मन्थली नगरपालिका-११ की ४० वर्षीया राधा कार्कीको घटनास्थलमै मृत्यु भएको हो।
दुर्घटनाा उनका श्रीमान उत्तम चौहान घाइते भएका छन्।
जिल्ला प्रहरी कार्यालय रामेछापका प्रवक्ता प्रहरी निरीक्षक (इन्स्पेक्टर) कौशल न्यौपानेका अनुसार चौहान दम्पती मन्थलीबाट हेटौडा जाँदै थिए।
'उहाँहरू छोरालाई भेट्नका लागि हेटौडा जान लागेको भनेर स्थानीयले बताएका छन्,' इन्स्पेक्टर न्यौपानेले भने।
राधा नगरपालिकाकी स्वास्थ्यकर्मी समेत हुन्।
उनीहरू सवार गाडी बोक्से भीरबाट ३ सय मिटर तल खसेको थियो। राधाको शव भने सडकबाट २० मिटर तल अड्किएको अवस्थामा फेला परेको इन्स्पेक्टर न्यौपानेले जानकारी दिए।
राधाको शव पोस्टमर्टमका लागि मन्थली अस्पताल पठाइएको छ। उनका श्रीमनलाई थप उपचारका लागि धुलिखेल अस्पताल पठाइएको छ।
-1754812957.jpeg)
-1746009348.jpg)
