भारतको उत्तराखण्डमा साउन २० र २१ गते आएको बाढीपहिरोमा परेर १८ जना नेपाली सम्पर्कविहीन छन्।
उनीहरू कामको सिलसिलामा त्यहाँ पुगेका थिए।
जाजरकोट, रोल्पा, जुम्ला र बर्दियाका मानिसहरू काम गर्न उत्तराखण्ड पुगेका थिए।
उनीहरू सडक निर्माण, स्याउ टिप्नेलगायत कामका लागि गएका थिए।
जाजरकोट, रोल्पा, जुम्ला र बर्दियाका स्थानीय प्रशासनले स्थानीय पालिकाहरूसँग समन्वय गरी सम्पर्कविहीन भएका मानिसहरूबारे विवरण संकलन गरेको छ।
परराष्ट्र मन्त्री आरजु राणा देउवाले भारतको उत्तराखण्डमा आएको बाढीमा परी हराएका भनिएका नेपाली नागरिकको खोजी एवं उद्धारका लागि कूटनीतिक पहल सुरू भइसकेको बताएकी छन्।
सो बाढीमा परेर केही नेपाली पनि बेपत्ता भएका समाचार आएलगत्तै उनीहरूको खोजी र उद्धारका लागि कूटनीतिक पहल सुरू भएको उनले जानकारी दिएकी हुन्।
'हराएका नेपाली नागरिकको खोजी तथा उद्धारका लागि भारत सरकारको समन्वयमा तदारूकताका साथ लाग्न नयाँ दिल्लीस्थित नेपाली राजदूतावासलाई निर्देशन दिएकी छु,' उनले भनेकी छन्।
सम्पर्कविहीन नेपालीहरू;
- कुशे गाउँपालिका २ ढाडका ४२ वर्षीय कर्णबहादुर सिंह
- कुशे गाउँपालिका २ डोग्रीका ४३ वर्षीय मानबहादुर सिंह
- कुशे गाउँपालिका २ का ४० वर्षीय रामबहादुर सिंह
- कुशे गाउँपालिका २ मुलेडाँडाका १७ वर्षीय रविन सिंह
- कुशे गाउँपालिका २ टालेगाउँका ३५ वर्षीय निमबहादुर सिंह
- जाजरकोटको जुनिचाँदे गाउँपालिका २ मजकोटका २८ वर्षीय गगनबहादुर शाही
- जाजरकोटको जुनिचाँदे गाउँपालिका २ का ५० वर्षीय रामबहादुर शाही
- जाजरकोटको जुनिचाँदे गाउँपालिका ३ का ३१ वर्षीय गोरखबहादुर शाही
- जाजरकोटको जुनिचाँदे गाउँपालिका ३ का ३० वर्षीय रेशम खड्का र उनकी श्रीमती २८ वर्षीया पार्वती खड्का
- जाजरकोटको जुनिचाँदे गाउँपालिका ३ का ३३ वर्षीय केशवबहादुर खड्का
- जाजरकोटको जुनिचाँदे गाउँपालिका ३ की ३० वर्षीय निर्मला खड्का
- कुशे गाउँपालिका २ टालेगाउँ ससुराली भई जुम्लाको तिला गाउँपालिका ३ का ४५ वर्षीय जनक शाही
- कुशे गाउँपालिका २ डोग्री ससुराली भई रोल्पाका २२ वर्षीय दीपक राना
- बर्दियाको मधुवन नगरपालिका ६ का ३९ वर्षीय नरेन्द्र खड्का, उनकी श्रीमती ३० वर्षीया सरस्वती भण्डारी खड्का र उनीहरूका २ वर्षीय छोरा रोमन खड्का
- मधुवन नगरपालिका ८ की अमृता परियार
-1746009348.jpg)
