केही दिनदेखि सुख्खाग्रस्त मधेसमा नियमित वर्षा भइरहेको छ। मनसुनको न्यूनचापीय रेखा (पानी पार्ने प्रणाली) नेपालनजिकै रहेकाले पनि तराई–मधेसमा मनग्गे वर्षा भइरहेको हो। सोमबार पनि तराई–मधेसमा हल्कादेखि मध्यम र कतै वर्षाको सम्भावना छ।
पछिल्लो २४ घन्टामा रौतहटको महेशपुरमा ८६.२ मिलिमिटर वर्षा भएको छ। यो भनेको मध्यम नै वर्षा हो।
त्यस्तै वीरगञ्जमा ६१.६, गौरमा ७४.८, कलैयामा ४८.६, सिमरा विमानस्थलमा ४६.६, रौतहटको चन्द्रपुरमा ४०.६, गोलबजारमा ४८.६, लाहनमा ४३.२ मिलिमिटर वर्षा भएको छ।
मध्यसाउनपछि वर्षा हुन थालेकाले यहाँका कृषक उत्साहित छन्। मनसुनको पूर्वार्द्धमा पानी नपरेकाले मधेसमा रोपाइँ नै हुन सकेको थिएन। साउनको पहिलो हप्तासम्म मधेसमा ५० प्रतिशत पनि रोपाइँ नभएकाले उत्पादकत्व नै घट्ने चिन्ता बढेको थियो।
-1746009348.jpg)
