काभ्रेमा एक महिला मृत भेटिएको घटनामा प्रहरीले एक जना पुरूषलाई पक्राउ गरेको छ।
आइतबार काभ्रेको चौरीदेउराली गाउँपालिका-१ घर भई बनेपा नगरपालिका-९ नयाँवस्ती बस्दै आएकी ३३ वर्षीय शर्मिला उप्रेती मृत भेटिएको घटनामा प्रहरीले एक पुरूषलाई पक्राउ गरेको हो।
पक्राउ पर्नेमा रामेछापको मन्थली नगरपलिका-१३ का ३७ वर्षीय सन्तोष सुनार छन्। उनलाई आइतबार राति नै बनेपा क्षेत्रकै इँट्टाभट्टामा लुकिछिपी बस्दै आएको अवस्थामा पक्राउ गरिएको जिल्ला प्रहरी कार्यालय काभ्रेका सूचना अधिकारी डिएसपी मीनबहादुर घलेले जानकारी दिए।
डिएसपी घलेका अनुसार उनीहरू विवाहेत्तर सम्बन्धमा थिए।
शर्मिला असार ३२ गतेदेखि घरबाट हराएका थिए। शनिबार भगवान थुम्की जंगलमा मृत भेटिएपछि शर्मिलाकी बाबु कमलबहादुर उप्रेतीले शव सनाखत गरेका थिए।
पक्राउ परेका सन्तोषलाई जिल्ला अदालतबाट चार दिन म्याद थप गरी अनुसन्धान अगाडि बढाइएको डिएसपी घलेले जानकारी दिए।
-1746009348.jpg)
