रसुवाको स्याफ्रुबेशीदेखि रसुवागढीसम्मको सडक सञ्चालनमा आएको छ।
असार २४ गते चीनतर्फबाट आएको बाढीले स्याफ्रुबेशीदेखि रसुवागढी सम्मको सडक क्षति पुगेको थियो।
उक्त सडक आइतबारदेखि एकतर्फी सञ्चालनमा आइसकेको प्रमुख जिल्ला अधिकारी अर्जुन पौडेलले जानकारी दिए।
विभिन्न ठाउँमा पहिरो आइरहने ठाउँ भएकाले एकतर्फी सञ्चालनमा आएको उनले बताए।
सडकको थप निर्माण गर्ने जिम्मा पनि चीन सरकारले लिएको छ।
हाल चीनले मितेरी पुल बगाएको ठाउँमा बेस बनाउने काम गरिरहेको छ। चीन सरकारले नै रसुवागढी जोड्ने अस्थायी पुल बनाउने तयारी गरिरहेको छ।
यद्यपि औपचारिक रूपमा पुल निर्माणको काम सुरू भइसकेको छैन।
चीनले आउँदो दसैंसम्म पुल निर्माण सकिसक्ने लक्ष्य लिएको छ। यद्यपि कहिलेदेखि औपचारिक रूपमा काम सुरू गर्ने भन्ने यकिन भइसकेको छैन।
-1746009348.jpg)
