त्रिभुवन अन्तर्राष्ट्रिय विमानस्थलबाट एक जना भारतीय नागरिक लागुऔषध कोकिनसहित पक्राउ परेका छन्।
लागुऔषध नियन्त्रण ब्युरोको टोलीले विमानस्थलबाट ३ किलो ४०० ग्राम लागुऔषधसहित भारतीय नागरिकलाई पक्राउ गरेको एसपी जनकबहादुर शाहीले जानकारी दिए।
पक्राउ पर्नेमा मुम्बई, महाराष्ट्रका ४९ वर्षीय अब्दुस समद जमल मन्सुरी छन्।
त्रिभुवन अन्तर्राष्ट्रिय विमानस्थलमा ब्युरोको टोली पनि खटिएको छ।
उक्त टोलीलाई यात्रुहरूको क्रिमिनल प्रोफाइलिङ गर्नेक्रममा अब्दुसमाथि शंका गरेको थियो।
अब्दुस बुधबार अपराह्न ४ बजेतिर कतार एयरवेजको उडानमार्फत अजरबैजानबाट काठमाडौं आएका थिए।
उनलाई पार्किङ क्षेत्रमा फेला परी जाँच गर्दा झोलाभित्र तीन किलो ४०० ग्राम कोकिन फेला पारेको हो।
उनीमाथि लागुऔषध नियन्त्रण ऐन २०३३ बमोजिम अनुसन्धान अघि बढाएको छ।
-1746009348.jpg)
