बाँकेको राप्तीसोनारी गाउँपालिका–५ गोरधुइ स्थित राप्ती नदीमा फसेका तीन जनाको उद्धार भएको छ।
बुधबार गाइवस्तु चराउन गएका सोही गाउँपालिकाका तीन जना राप्तीको बाढीमा फसेका थिए। उनीहरूलाई सशस्त्र प्रहरी बलबाट खटिएको टोलीले सकुशल उद्धार गरेको हो।
सशस्त्रका सहायक प्रवक्ता डिएसपी शैलेन्द्र थापाका अनुसार ५२ वर्षीय मानसिंह धामी, ६९ वर्षीय लीलबहादुर खत्री र ५० वर्षीय ससु वलीलाई गोताखोरसहितको टोलीले उद्धार गरेको हो।
राप्तीमा अकास्मात बाढी आएपछि उनीहरू बीच टापुमा फसेका थिए।
उद्धारपछि उनीहरूको स्वास्थ्य सामान्य रहेको पनि डिएसपी थापाले जानकारी दिए।
-1746009348.jpg)
