जल तथा मौसम विज्ञान विभागका अनुसार बारा र पर्सामा भारी वर्षा भइरहेको छ।
मनसुनी वायु देशव्यापी सक्रिय बन्दा अधिकांश स्थानमा वर्षा भइरहेको छ।
बाराको रजुवा केन्द्रमा पछिल्लो एक तीन घन्टामा १०४ मिलिमिटर वर्षा भएको विभागले जनाएको छ। त्यस्तै लुम्बिनी क्षेत्रमा ८९.६ मिलिमिटर वर्षा भएको छ।
पछिल्लो एक घन्टामा बारा जिल्लास्थित रजुवा वर्षा मापन केन्द्रमा भारी वर्षा मापन भएको र थप वर्षा हुने भएकाले उक्त क्षेत्र भइ बहने लालबकैया खोलालगायत अन्य साना खोलामा आकस्मिक बहाव बढ्न सक्ने बाढी पूर्वानुमान महाशाखाले जानकारी दिएको छ।
त्यस्तै लुम्बिनी वर्षा मापन केन्द्र र आसपासको क्षेत्रमा भारी वर्षा मापन भएकाले उक्त क्षेत्र भई बहने खोलाहरूमा बहाव बढ्न सक्ने भएकाले आवश्यक सतर्कता अपनाउन महाशाखाले जनाएको छ।
-1750640752.png)
