पछिल्लो ६ घन्टामा देशैभरि उल्लेख्य वर्षा भएको छ।
जल तथा मौसम विज्ञान विभागका अनुसार पछिल्लो ६ घन्टामा कोशीदेखि सुदूरपश्चिमसम्मै उल्लेख्य वर्षा भएको छ। एक–दुई वटा केन्द्रका धेरै भारी, भारी वर्षा भएको छ भने अधिकांश केन्द्रमा मध्यम वर्षा मापन भएको छ।
विभागका अनुसार पछिल्लो ६ घन्टामा गोरखाको एग्रोमेटमा १०३ मिलिमिटर वर्षा भएको छ। चितवनको चर्छरे केन्द्रमा १०९.४, कपिलवस्तुको भगवानपुरमा १०९.६ मिलिमिटर वर्षा भइको छ।
अर्घाखाँचीको राङसिङमा ९६.४, बाराको रजुवामा ८१.८, झापाको दमकमा ७२.२, सप्तरीको रुपनी बजारमा ६३.४ मिलिमिटर वर्षा भएको छ। नवलपरासीको देउराली केन्द्रमा ६७.२ मिलिमिटर वर्षा भएको छ। पछिल्लो १२ घन्टामा काठमाडौंमा पनि मनग्य वर्षा भएको छ। विभागका अनुसार त्रिभुवन अन्तर्राष्ट्रिय विमानस्थल केन्द्रमा पछिल्लो १२ घन्टामा ६२ र कपन केन्द्रमा ६१.४ मिलिमिटर वर्षा भएको छ।
विभागका अनुसार हाल देशैभर मनसुनी वायुको प्रभाव छ।
