धनुषामा विष सेवनबाट अचेत रहेकी आमाको पनि मृत्यु भएको छ।
शहीदनगर नगरपालिका वडा-५ की ३० वर्षीया पविताकुमारी साहको रामजानकी अस्पतालमा उपचारको क्रममा शुक्रबार बिहान पौने १९ बजे मृत्यु भएको हो।
वैशाख ९ गते तीन छोराछोरीसहित आमाले विष सेवन गरेको अवस्था फेला परेका थिए। सोही दिन ६ वर्षीय छोरा, ४ र २ वर्षीया छोरीको विष सेवनकै कारण मृत्यु भएको जिल्ला प्रहरी कार्यालय धनुषाका डिएसपी बरूणबहादुर सिंहले जानकारी दिए।
'प्रहरीको प्रारम्भिक अनुसन्धानमा घरायसी विवादमा आफ्ना सन्तानलाई विष खुवाएर आफूले पनि खाएको देखिन्छ,' डिएसपी सिंहले भने।
उनी गर्भवती पनि थिइन्।
उनको पेटमा रहेको ८/९ महिनाको शिशुलाई सोही दिन शल्यक्रिया गरेर निकालिएको थियो। शिशुको उपचार भइहरेको उनले जानकारी दिए।
पविताको माइती पक्षले भने उनीमाथि शारीरिक र मानसिक यातना दिएकै कारण विष सेवन गरेको आरोप लगाएका छन्।
-1746009348.jpg)
