इसराइल-हमासबीच १५ महिनापछि युद्धविराम भएको छ।
गत वर्षको अक्टोबर ७ मा हमासले इसराइलमाथि आक्रमण गरी १० नेपालीसहित १२०० जनाको हत्या गरी विपिन जोशीसहित २४९ जनालाई बन्धक बनाएर गजा पुर्याएको थियो।
युद्धविरामसँगै आइतबार हमासले तीन इसराइली महिलालाई बन्धकमुक्त गरेको छ भने इसराइली जेलमा रहेका ९० जना प्यालेस्टिनी कैदमुक्त भएका छन्।
हमासले बन्धकमुक्त गरेका र इसराइलले कैदमुक्त गरेकाहरूलाई अन्तर्राष्ट्रिय रेड क्रसले उनीहरूको देशमा पुर्याएको थियो।
हमासले बन्धक बनाएका तीन महिलालाई रेडक्रसले तेल अभिवस्थित चेम सेइबा मेडिकल सेन्टरमा पुर्याएको थियो। जहाँ उनीहरूका आफन्त र सयौं इसराइलीहरू स्वागतका लागि बसेका थिए।
तीनै बन्धक स्वस्थ रहेको भनिएको छ।
इसराइलबाट रिहा भएका ६९ महिला र २१ पुरूष गरी ९० जना प्यालेस्टिनीहरू पनि रेडक्रसकै मद्दतबाट गजा पुगेका थिए। उनीहरूको रिहाइपछि गजाको रमनुल्लाहमा जम्मा भएका प्लालेस्टिनीहरूले आतसबाजी गरेर खुशीयाली मनाएका थिए।
अन्तर्राष्ट्रिय समाचार संस्थाहरूले बन्धकमुक्त भएकाहरू र इसराइलको जेलबाट रिहा भएर १५ महिनापछि परिवारसँग पुनर्मिलन हुँदाको भावुक तस्बिरहरू सार्वजनिक गरेको छ।
तस्बिरहरूः
तस्बिरहरूः रासस/एएफपी र इसराइल टाइम्स।
