झापामा हत्या आरोपमा एक जना पक्राउ परेका छन्।
बाह्रदशी गाउँपालिका-५ फुलबारी बस्ने ४५ वर्षीय गंगालाल माझीको हत्या आरोपमा सोही ठाउँका २६ वर्षीय मानकुमार राजवंशी पक्राउ परेका छन्।
उनलाई प्रहरी चौकी फुलबारीबाट खटिएको टोलीले शनिवार राति पक्राउ गरेको हो।
वादविवाद क्रममा राजवंशीले फलामको रड प्रहार गर्दा माझी गम्भिर घाइते भएका थिए। उपचारको क्रममा मृत्यु भएपछि उनलाई पक्राउ गरिएको प्रहरीले जनाएको छ।
प्रहरीले यस घटनामा अनुसन्धान गरिरहेको छ।
