सिन्धुलीमा अज्ञात समूहले गोली हान्दा एक जना घाइते भएका छन्।
मकवानपुर बागमती गाउँपालिका-१ बोटगाउँका ४० वर्षीय प्रेमबहादुर बम्जम घाइते भएका हुन्।
आइतबार दिउँसो साढे ३ बजे बम्जम र उनका ३३ वर्षीय भाइ दिलबहादुर बम्जन रौतहट सर्लाही हुँदै सिन्धुलीबाट मकवानपुर जाने क्रममा उनीमाथि अज्ञात समूहले गोली प्रहार गरेको जिल्ला प्रहरी कार्यालय सिन्धुलीका डिएसपी अनिलकुमार खड्काले जानकारी दिए।
दुई जना प्रदेश २-०३-००६ प ८५५४ नम्बरको मोटरसाइकलमा यात्रा गरिरहेका थिए। सिन्धुली हरिहरपुरगढी गाउँपालिका-६ ढप्से स्थित मोटरसाइकल रोकेर प्रेमबहादुर माथि अज्ञात समूहले आक्रमण गरेका अनुसन्धानमा खुलेको छ।
उक्त आक्रमणमा परेर प्रेमबहादुर घाइते भएका छन्। उनको भाइ सकुशल रहेको डिएसपी खड्काले बताए।
घाइते भएका बम्जमको तत्काल सर्लाहीको मोडेल अस्पतालमा पठाइएको थियो। पछि थप उपचारका लागि विरगन्ज (वयोधा हस्पिटल) पठाइएको छ। यस घटनामा थप अनुसन्धान भइरहेको डिएसपी खड्काले जानकारी दिए।
