काठमाडौंमा स्रोत नखुलेको ८ लाख नगदसहित एक जना पक्राउ परेका छन्।
सोमबार दिउँसो काठमाडौं महानगरपालिका-१५ डल्लुस्थित झुलुङ्गेपुल नजिकै विष्णुमती करिडोरमा एक जनालाई प्रहरीले स्रोत नखुलेको ८ लाख नगदसहित पक्राउ गरेको हो।
काठमाडौं महानगरपालिका-८ पशुपती घर भई गोठाटार बस्ने २५ वर्षीय अभय प्रधानलाई प्रहरीले पक्राउ गरेको हो। प्रहरी वृत्त स्वयम्भूको टोलीले बागमती प्रदेश ०२–०३१ प. ५१४८ नं.को स्कुटरको डिक्कीमा ८ लाख नगद फेला पारेको हो।
प्रहरीले चालक प्रधानलाई उक्त नगद र स्कुटरसहित नियन्त्रणमा लिएर थप अनुसन्धान अघि बढाएको छ।
-1730177730.jpg)
