काठमाडौंबाट यात्रु बोकेर मोरङ जाँदै गरेको माइक्रोबस अनियन्त्रित भएर नालीमा ठोक्किँदा १५ जना घाइते भएका छन्।
शुक्रबार बिहान सिन्धुली कमलामाई नगरपालिका-८ सिस्नेरीमा बा ५ ख ६६१८ नम्बरको माइक्रोबस अनियन्त्रित भएर सडकको नालीमा ठोक्किँदा १५ जना घाइते भएका हुन्।
उक्त माइक्रोबसमा चालकसहित १८ जना यात्रुहरू चढेका थिए। तीमध्ये १५ जना सामान्य घाइते भएको जिल्ला प्रहरी कार्यालय सिन्धुलीले जनाएको छ।
घाइते भएका ६ जनाको उपचारपछि डिस्चार्ज भइसकेको छ।
