सिरहामा चर्को मिटरब्याजको रकम चलाउने आरोपमा एक महिला पक्राउ परेकी छन्।
मिर्चैया नगरपालिका–६ की ३५ वर्षीया सुजाता साहलाई बुधबार साँझ पक्राउ गरिएको सिरहा प्रहरीले जनाएको छ।
स्थानीय ममतादेवी रायले प्रहरीमा दर्ता गराएको अनुचित लेनदेनसम्बन्धी मुद्दामा अदालतबाट अनुमति लिएर साहलाई पक्राउ गरिएको सिरहाका प्रहरी उपरीक्षक टेकुनन्द इवा लिम्बूले जानकारी दिए।
साहमाथि थप अनुसन्धान भइरहेको छ। उनीमाथि प्रहरी र जिल्ला प्रशासनमा उजुरी परेको थियो।
-1746009348.jpg)
