बिहीबारबाट सरकारले उपत्यकासहित संक्रमण बढेका जिल्लामा १५ दिनका लागि निषेधाज्ञा जारी गर्ने निर्णय गरेसँगै उपत्यका छोड्नेको संख्या बढेको छ।
सोमबार साँझ बसेको मन्त्रिपरिषद् बैठकले काठमाडौं उपत्यकामा वैशाख १६ गते बिहीबारदेखि निषेधाज्ञा जारी गर्ने निर्णय गरेको थियो। त्यसैले मंगलबार बिहानैदेखि काठमाडौं उपत्यका छाडेर घर फर्किनेहरुको भीड लागेको छ।
खासगरी कोटेश्वर नाका र थानकोट नाकाबाट उपत्यका छाड्नेको भीड बढेको छ। त्यसबाहेक बालाजुतर्फको नाका र बल्खु नाकामा समेत उपत्यका छाडने मानिसको भीड लागेको छ। सरकारले काठमाडौं उपत्यकामा बिहीबारदेखि लागू हुनेगरी दुई हप्ता निषेधाज्ञा जारी गरेको छ।
केही समय अघिसम्म यात्रुविहिन गुडेका सवारी साधनले खाँदाखाद यात्रुहरु लिएर उपत्यका छाडेका छन् ।
हेर्नुहोस् तस्बिरहरू
1619516893.jpg)