२१ लाख ९० हजार रुपैयाँसहित एक जना पक्राउ परेका छन्।
सोमबार दिउँसो दुई बजे रौतहट गौर नगरपालिका-४ बसपार्क नजिकैबाट एक जनालाई पक्राउ गरेको छ।
जिल्ला प्रहरी कार्यालय रौतहटका प्रहरी नायब उपरीक्षक (डिएसपी) भरत श्रेष्ठका अनुसार उनीबाट प्रहरीले स्रोत नखुलेको रकम बरामद गरेको हो।
नम्बर नभएको रातो रंगको स्कुटरमा आइरहेका रौतहट परोहा नगरपालिका-१ जिंगडवा बेलपविछुवा बस्ने २७ वर्षीय मोहम्मद दिलसाद आलमबाट प्रहरीले २१ लाख ९० बरामद गरेको हो।
उनीबाट प्रहरीले मोहम्मद दिलसाद आलमको नामको ३१ लाख १६ हजार रुपैयाँको चेक पनि बरामद गरेको छ।
उनीमाथि थप अनुसन्धान गर्न प्रहरीले उनलाई सम्पत्ति शुद्धीकरण विभागमा बुझाएको छ।
