इमाडोलको आगलागी कीरा मार्ने बेगनबाट! (तस्बिरहरू)

नारायण महर्जन

काठमाडौं, कात्तिक २८

ललितपुरको इमाडोलमा भएको आगलागी नियन्त्रणमा आएको छ।

शुक्रबार दिउँसो महालक्ष्मी नगरपालिकाको इमाडोलमा आगलागी भएको थियो।

महानगरीय प्रहरी प्रभाग इमाडोलका इन्स्पेक्टर विजय तिमिल्सिनाका अनुसार फोहोर मैला व्यवस्थापन शाखाको अफिसमा आगलागी भएको हो।

सो आगलागी अहिले नियन्त्रणमा आएको छ।

प्रारम्भिक अनुसन्धान अनुसार उक्त आगलागी कीरा मार्ने बेगनहरूबाट लागेको प्रहरीले बताए।

'मिति सकिएका बेगनका बट्टाहरू डिस्पोज गर्न ल्याएका थिए। त्यसलाई कुच्याएर गाडीमा हाल्दै थियो,'इन्स्पेक्टर तिमिल्सिनाले भने,'त्यही बेला कसरी आगो सल्किएछ।'

उनका अनुसार आगलागीबाट गाडीहरूमा पनि क्षति पुगेको छ। ११ वटामध्ये तीन वटा गाडी पूर्ण रूपमा क्षति पुगेको छ।

त्यस्तै पाँच वटा गाडी र एक मोटरसाइकलमा सामान्य क्षति पुगेको उनले बताए।

बा १ क ५०३९ नम्बरको कन्टेनर, बा १ ग २८६५ नम्बरको टिफर र बा १ ग ३३३६ नम्बरको मिनी ट्रकमा पूर्ण क्षति पुगेको हो।

तस्बिरहरू: