डाक्टर गोविन्द केसीको समर्थनमा आज पनि माइतीघर मण्डलामा प्रदर्शन भएको छ।
उनका पक्षमा सोलिराडिटी फर जिकेसी अलायन्सले शुक्रबार माइतीघर मण्डलामा प्रदर्शन गरेको हो।
अलाइन्सले डा केसीको जीवन रक्षा माग गर्दै उनको माग पूरा गर्न भन्दै विभिन्न प्लेकार्ड बोकेर प्रदर्शन गरेको हो। प्रदर्शनकारी निषेधित क्षेत्रमा जान खोज्दा उनीहरूलाई प्रहरीले रोकेको थियो। अहिले उनीहरू निषेधित क्षेत्र तोकिएको भन्दा अरू ठाउँमा प्रदर्शन गरिरहेका छन्।
डाक्टर केसीको अनसन मेडिकल माफियाको टेन्सन, लुटतन्त्र बन्द गर, गोविन्द केसीको माग पूरा गर, गोविन्द केसीको जीवन रक्षा गर, जस्ता नारा लेखिएका पर्चा प्रदर्शनकारीले बोकेका थिए।
मेडिकल क्षेत्रमा देखिएका विकृति विसंगतिविरूद्ध आवाज उठाउँदै आएका डा केसीको यो १९ औं सत्याग्रह हो।
स्वास्थ्यमा समस्या आएपछि जुम्लामा अनसन बसेका केसीलाई नेपालगञ्ज हुँदै जहाजमा मंगलबार काठमाडौं ल्याइएको थियो। उनको टिचिङ अस्पतालमा उपचार भइरहेको छ।
तस्बिरहरू:
