बैतडीमा एक १४ वर्षीया बालिका रूखमा झुण्डिएको अवस्थामा मृत फेला परेकी छन्।
डिलासैनी गाउँपालिका वडा नम्वर ७ खेतीगाउँ बस्ने नवराज जोशीकी छोरी नन्दा जोशी घर नजिकैको रुखमा पासो लगाएको अवस्थामा मृत भेटिएकी हुन्।
सोमबार बिहान उनी मृत भेटिएपछि दिउँसो २ बजे प्रहरीलाई खबर गरिएको थियो।
खबर पाएपछि प्रहरी टोली हिजो नै घटनास्थल गएपनि टाढा हुँदा आज मात्रै पुगेको जिल्ला प्रहरी कार्यालय बैतडीका सुचना अधिकारी किसन चन्दले बताए।
उनका अनुसार अहिले किशोरीको शव गोकुलेश्वर अस्पतालमा पोष्टमार्टमका लागि लगिएको छ।
घटनाको थप अनुसन्धान भइरहेको चन्दले बताए।
