जुवा खेलिरहेका बेला सुर्खेतमा १३ जना पक्राउ परेका छन्।
बिहिबार बिहान लेकवेसी नगरपालिका–४ दशरथपुरबाट प्रहरीले जुवा खेलिरहेका १३ जनालाई पक्राउ गरेको हो।
जुवातास खेलिरहेको गोप्य सूचनाका आधारमा ईलाका प्रहरी कार्यालय छिन्चुबाट खटिएको प्रहरी टोलीले नगदसहित १३ जनालई पक्राउ गरेको हो।
ईलाका प्रहरी कार्यालय छिन्चुका अनुसार जुवाखालबाट १५ हजार सात सय र जुवाडेहरूबाट १ लाख ६४ हजार ४ सय ४० रुपैयाँ गरी जम्मा १ लाख ८० हजार नगद बरामद गरिएको छ। पक्राउ पर्नेहरूमा लोकवेशी नगरपालिका–३ का टोपबहादुर पौडेल, टीकाराम राना, सुरेन्द्र पौडेल, उमेस वली, अनुभव बस्नेत, विनोद शाही, अमर थापा, ललित सुनार, छवी पौडेल, हर्क विक, खगेन्द्र विर्कट्टा, टोपेन्द्र वली र राजन कार्की रहेका प्रहरीले जनाएको छ ।
उनीहरूलाई आवश्यक कारबाहीका लागि प्रहरीको निगरानीमा राखिएको छ।
