राजधानीको वसन्तपुरमा शनिबार सामूहिक कुमारी पूजा गरिएको छ।
इन्द्रजात्राको दोस्रो दिन शनिबार जीवित देवी कुमारीको विशेष पूजा गरिएको हो।
शुक्रबार हनुमानढोकामा ३६ हात लामो यः सिं (लिंगो) ठड्याएर आधिकारिक रूपमा इन्द्रजात्रा सुरू भएसँगै शनिबार कुमारी पूजा गरिएको हो।
बिहान पौने ९ बजेबाट सुरू भएको पूजामा ६७ जना कुमारीहरू सहभागी भएका आयोजक युवा विश्व हिन्दु महासंघले जनाएको छ।
नेवार समुदायको परम्परामा कुमारी पूजा गर्नाले सुख–शान्ति र समृद्धि प्राप्त हुने धार्मिक विश्वास रहेको छ।
इन्द्रजात्रा सुरु भएसँगै आठ दिनसम्म विभिन्न नाचगान, रथयात्रा गरी यो जात्रा मनाइन्छ। कुमारी, गणेश र भैरवको रथयात्रा हुन्छ। तल्लो टोल (कोहने), माथिल्लो टोल (ठहने) र बीचको टोल (नानिचा) मा रथ परिक्रमा गरिन्छ। नानिचाको दिन लिंगो ढालिन्छ र बागमतीमा सेलाएपछि इन्द्रजात्रा समापन हन्छ।
हेर्नुहोस् तस्बिरहरू: