काठमाडौंको बौद्वस्थित जम्बुडाँडामा बिहीबार साँझ प्रहरीले गोली चलाएर अपराधि पक्राउ गरेको छ।
महानगरीय अपराध महाशाखाबाट खटिएको टोलीमाथि लुटेराले आक्रमण गर्न प्रयास गरेपछि जवाफी कारबाही गरेको हो। प्रहरी मुठभेडमा परी अमर भन्ने अस्मिल तामाङ घाइते भएका छन्। उनलाई अहिले अस्पताल भर्ना गरिएको छ।
सिन्धुपाल्चोक बाह्रबिसे घर भएका अमर भन्ने अस्मिल तामाङको खुट्टामा २ राउन्ड गोली लागेको अपराध महाशाखाका एसएसपी धिरजप्रताप सिंहले जानकारी दिए।
प्रहरीका अनुसार गत जेठ २५ गते भक्तपुरमा डलर साँट्न भन्दै बोलाएर १८ लाख लुटपाटमा संलग्न अमरलाई प्रहरीले गोली प्रहार गरी पक्राउ गरेको हो।
भक्तपुरको चाँगुनारायणमा ताप्लेजुङ फुङलिङ नगरपालिका–१ घर भई हाल स्वयम्भु बस्दै आएका विरेन तामाङलाई बोलाई अस्मिलले १८ लाख लुटेको प्रहरीले जनाएको छ ।
अस्मिनले डलर साटेको बापत २ लाख रुपैयाँ फाइदा हुने बताएपछि विरेन तामाङले १८ लाख रुपैयाँ लिएर पैसा साँट्न गएका थिए। १८ लाख लुटेर फरारमध्येका उनलाई खोज्नेक्रममा मुठभेड भएको हो।
