प्रहरीले काठमाडौंको लैनचौरबाट ब्ल्याक डाइमण्डसहित ८ जनालाई पक्राउ गरेको छ।
महानगरीय प्रहरी वृत्त दरबारमार्गको प्रहरी टोलीले बुधबार दिउँसो काठमाडौंको लैनचौरबाट डाइमण्डसहित रमेश रजक लगायत ८ जनालाई नियन्त्रणमा लिएको काठमाडौं प्रहरीले जनाएको छ।
३ करोडमा अवैध रूपमा उक्त डाइमण्ड विक्री हुँदै गरेको सूचनापछि प्रहरीले सो क्षेत्रमा छापा मारेका थियो।
प्रहरीले पक्राउ परेकाहरूबाट ३०.२४ क्यारेटको २ पिस डाइमण्ड बरामद गरेको छ।
पक्राउ परेकाहरूलाई डाइमण्डसहित आवश्यक कारवाहीका लागी राजस्व अनुसन्धान विभागमा पठाएको परिसर काठमाडौंले जनाएको छ।
