कैलालीको अत्तरियाबाट ६ किलो चरेससहित दुई जनालाई प्रहरीले पक्राउ गरेको छ।
नेपाल प्रहरीको क्षेत्रीय अनुसन्धान समूह र ईलाका प्रहरी कार्यालय मालाखेतीको प्रहरी टोलीले अत्तरिया बजारमा हिँडिरहेको अवस्थामा ६ किलो चरेससहित बाजुरा जिल्लाकोे छेदेदह गाउँपालिका–३ का २९ वर्षीय छत्रबहादुर बुढा र ५२ वर्षीय नौले बुढालाई पक्राउ गरिएको हो।
चरेससहित पक्राउ परेका दुबै जना बाबुछोरा रहेको प्रहरीले बताएको छ। महेन्द्रनगर रोडको गोदाबरी पुल नजिकैबाट उनीहरूलाई पक्राउ गरिएको जिल्ला प्रहरी कार्यालय कैलालीका प्रहरी निरीक्षक ईश्वरीदत्त पाण्डेले बताए।
बरामद गरिएको चरेससहित दुबै जनालाई जिल्ला प्रहरी कार्यालय कैलाली ल्याउने तयारी भैरहेको पाण्डेयले बताए।
