प्रहरीले लागूऔषधसहित एक जनालाई पक्राउ गरेको छ।
प्रहरीले बालाजु पुल नजिक लागूऔषध कारोबार भइरहेको भन्ने सूचनाको आधारमा चेकजाँच गर्ने क्रममा नुवाकोट साविक कल्याणपुर गाविस वडा नम्बर २ हाल विदुर नपा वडा नम्बर १३ घर भएका २४ वर्षीय धन बहादुर तामाङलाई पक्राउ गरेको हो।
उनको साथबाट लागूऔषध चरेस ८०० ग्राम फेला परेको प्रहरीले जनाएको छ।
उनको बारेमा महानगरीय प्रहरी वृत्त लैनचौरबाट थप अनुसन्धान भइरहेको प्रहरी नायब उपरीक्षक मोहन कुमार थापाले जानकारी दिए।
