ठूलो परिमाणमा अवैध लागूऔषधसहित एक जनालाई प्रहरीले पक्राउ गरेको छ।
नेपाल प्रहरीको लागूऔषध नियन्त्रण ब्यूरोले कलंकीबाट ३ हजार एम्पुल अवैध लागूऔषधसहित रामेछाप लिखु गाँउपालिका १ का ३२ वर्षीय केशव पौडेललाई पक्राउ गरेको हो।
पौडेललाई बुधबार कलंकीको बाबा पेट्रोल पम्प छेउबाट एक हजार एम्पुल डाइजेपाम,एक हजार एम्पुल बुप्रेनोर्फिन र एक हजार एम्पुल फेनारगनसहित पक्राउ गरेको ब्यूरोले जनाएको छ।
पक्राउ परेका पौडेल यसअघि पनि अवैध लागूऔषध खैरो हिरोइनको मुद्दामा १० वर्ष जेल सजाय भुक्तान गरी गएको असोज १ गते छुटेको ब्यूरोले जनाएको छ।
