प्रहरीले विभिन्न वन्यजन्तुको छाला, खपटा, टाउकोको हड्डीसहित एक जनालाई पक्राउ गरेको छ।
प्रहरीले विशेष सुराकीको आधारमा ललितपुर गोदावरी नगरपालिका वडा नम्बर ८ पछमहा घर भएका २२ वर्षीय सुकराज नगरकोटी ‘सानु’ लाई पक्राउ गरेको हो।
सतुङ्गलमा शंकास्पद अवस्थामा हिँडिरहेकोमा महानगरीय प्रहरी प्रभाग बलम्बुबाट प्रहरी निरीक्षक शर्मिला गुरूङ समेतको प्रहरी टोली खटिई उनलाई पछ्याउँदै जाँदा बाँडेगाउँ प्रहरी प्रभागसँगको समन्वयमास्थित बिष्णुलाल नगरकोटीको घरमा पुगी खानतलासी गर्दा वन्यजन्तुको छाला खपटा, टाउकोको हड्डी फेला परेको हो।
उनलाई पक्राउ गरी थप अनुसन्धान भइरहेको महानगरीय प्रहरी परिसरका प्रहरी नायव उपरीक्षक मोहन कुमार थापाले जानकारी दिए।
