काठमाडौंको बसन्तपुरस्थित विश्व सम्पदा हनुमानढोका दरबार क्षेत्रमा हुलाक टिकट प्रर्दशन गरिएको छ।
सम्पदाहरुको उचित व्यवस्थापन गरी पर्यटन क्षेत्रको माध्यामबाट मुलुकलाई समृद्ध बनाउने अभियानका साथ बिहिबार हनुमानढोका दरबार क्षेत्रमा हुलाक टिकट प्रर्दशन गरिएको हो। प्रर्दशनीको उद्घाटन गर्दै सञ्चार तथा सूचना प्रविधि राज्यमन्त्री गोकुल बाँस्कोटाले हुलाक टिकट प्रर्दशनीले नेपालमा आयआर्जन बढाउने गरी पर्यटकहरुलाई आकर्षित गर्न सघाउ पुर्याउने विश्वास व्यक्त गरे। उनले नेपालको सम्पदाहरुलाई विश्वमाझ चिनाउन पनि यस्ता प्रर्दशनीले उल्लेखनीय योगदान दिने पनि स्मरण गरे।
राज्यमन्त्री बास्कोटाले सम्पदाहरुको प्रचार अभियानको माध्यामबाट विश्व समूदायलाई नेपालको संस्कृतिबारे पनि जानकारी दिन सकिने स्पष्ट पारे। काठमाडौं महानगरपालिकाको अगुवाईमा विश्व सम्पदा हनुमानढोकादेखि स्वयम्भूसम्मको पदयात्रा कार्यक्रम अन्तर्गत बिहिबार ५ औं दिन हुलाक टिकट प्रर्दशन गरिएको हो । आगामी शनिबार एक कार्यक्रमका बीच स्वयम्भूको भुईखेलमा प्रधानमन्त्री केपी शर्मा ओलीले पदयात्रा कार्यक्रम सम्पन्न गर्ने कार्यक्रम छ।
[caption id="attachment_151297" align="alignnone" width="1200"]
बसन्तपुरस्थित विश्व सम्पदा हनुमानढोका दरबार क्षेत्रमा गरिएको हुलाक टिकट प्रर्दशनीको अवलोकन गर्दै सञ्चार तथा सूचना प्रविधि राज्यमन्त्री गोकुल बास्कोटा। तस्बिरः नारायण महर्जन[/caption]
[caption id="attachment_151291" align="alignnone" width="1200"]
बसन्तपुरस्थित विश्व सम्पदा हनुमानढोका दरबार क्षेत्रमा गरिएको हुलाक टिकट प्रर्दशनी अवलोकन गर्दै एक स्थानीय। तस्बिरः नारायण महर्जन[/caption]
https://www.youtube.com/watch?v=3YbtcBuNpE0&feature=youtu.be
