मकवानपुरको हेटौंडा उपमहानगरपालिका ३ स्थित तीनताप्केबाट विभिन्न हातहतियार तथा विष्फोटक पदार्थ र प्रहरीको ड्रेससहित प्रहरीले स्थानीय जोकर मोक्तानलाई पक्राउ गरेको छ।
मोक्तानको साथबाट तीन थान कटुवा पेस्तोल,१२ राउण्ड गोली, एक थान सुतली बम, ठूलो परिमाणमा पटका र टर्च लाइट तथा एक जोर प्रहरीकै जुत्ता समेत बरामद गरिएको जिल्ला प्रहरी कार्यालयका प्रमुख एसपी विकासराज खनालले जानकारी दिए।
प्रहरीलाई देखेर भाग्न खोजेपछि उनलाई नियन्त्रणमा लिइएको र उनीसँगै भएका केही व्यक्ति भागेको एसपी खनालले बताए।
पक्राउ परेका मोक्तानका बारेमा थप अनुसन्धान भइरहेको उनले जनाए।
