होटल सोल्टीमा रहेको क्यासिनो माजोङमा प्रहरीले छापा हानी ८ जना नेपालीलाई नियन्त्रणमा लिएको छ।
महानगरीय प्रहरी परिसरको टोलीले बुधबार साँझ क्यासिनोमा छापामारी ६ जना जुवाडे र २ जना सञ्चालक गरी ८ जनालाई नियन्त्रणमा लिइएको महानगरीय प्रहरी परिसर काठमाडौंले जनाएको छ।
काठमाडौंका विनोद श्रेष्ठ, ओम कर्माचार्य, हेटौंडाका विकल्प पोखरेल, ललितपुरका शंकर पौडेल, तेन्जिङ मेलेक, बौद्धका रन्जीत खड्की, ललितपुरका अरुण सेडाई र मनाङका साङ्गे पासाङलाई नियन्त्रणमा लिएको प्रहरीले जनाएको छ।
गैर कानुनी रुपमा क्यासिनो छिरेका र उनीहरुलाई क्यासिनो छिराउनेलाई जुवा ऐन अन्तर्गत कारवाही गर्ने तयारी भईरहेको परिसर काठमाडौंले जनाएको छ।
