सुनसरीको सीमावर्ती क्षेत्र देवानगञ्ज गाउँपालिका–३ कप्तानगञ्जबाट मंगलबार साँझ दुई सशस्त्र प्रहरी जवान घूस रकमसहित पक्राउ परेका छन्।
अख्तियार दुरुपयोग अनुसन्धान आयोग क्षेत्रीय कार्यालय इटहरी शाखाका प्रहरी उपरीक्षक किशोरसिंह थापाको नेतृत्वमा खटिएको टोलीले घूस रकम २५ हजार रुपैयाँसहित सशस्त्र प्रहरी जवान नवीन खड्का र ठाकुर खत्रीलाई घूस रकमसहित लक्ष्मी फेन्सी स्टोरबाट रङ्गेहात पक्राउ गरेको हो।
भारतीय गाडीलाई नेपाल प्रवेशका लागि छोडेबापत २५ हजार रुपैयाँ रकम मागेकाले सो रकम दिन फेन्सी स्टोर पुगेको र विशेष सुराकीको आधारमा त्यहाँ आइपुगेका प्रहरी टोलीले पक्राउ गरेको अख्तियारका सूचना अधिकारी तथा प्रहरी उपरीक्षक किशोरसिंह थापाले जानकारी दिए।
सोमबार भारतीय गाडीलाई प्रवेश गराई दिएबापत २५ हजार रुपैयाँ माग गरेको र सो रकम मंगलबार दिने कबोल गरेपछि गाडीलाई प्रवेश गर्न दिइएको थियो।रासस
