ठगी गरेको अभियोगमा प्रहरीले एक जना महिलालाई पक्राउ गरेको छ।
महानगरीय प्रहरी वृत बालाजुबाट खटिएको टोलीले सिन्धुपाल्चोक बलेफी घर भई हाल बालाजु बस्दै आएकी २७ वर्षीया मन्जु बुढाथोकीलाई पक्राउ गरेको हो।
बुढाथोकीले आफू सशस्त्र प्रहरीमा सहायक निरीक्षक रहेको र विभिन्न पदमा जागिर लगाइदिने भन्दै लाखौं रकम ठगी गरेको उजुरीको आधारमा पक्राउ गरिएको महानगरीय प्रहरी परिसर काठमाडौं डिएसपी मोहन थापाले जानकारी दिए।
सशस्त्र प्रहरीको पोसाकसमेत लगाएर उनले झुक्याउने गरेकी थिइन्।
आफूलाई कोपिला बोहोरा बताउने मन्जु विरुद्ध प्रहरीमा पाँच जनाले उजुरी दिएका छन्।
