काठमाडौंको नागढुङ्गाबाट लागूऔषधसहित एक युवा पक्राउ परेका छन्।
गाईघाटबाट काठमाडौं आउँदै गरेको ना ५ ख ४७८० नम्बरको बसमा सवार भक्तपुर लोकन्थलीका २२ वर्षीय सुरेश शाक्यलाई प्रहरीले पक्राउ गरेको हो।
शाक्यको साथबाट २० एम्पूल डाइजेपाम २० एम्पूल लुपिजेसिक, फेनारगन र ट्याप्लेट समेत बरामद गरेको प्रहरीले जनाएको छ। पक्राउ परेका शाक्यलाई प्रहरी वृत्त थानकोटमा राखी आवश्यक अनुसन्धान अघि बढाएको प्रहरीले जनाएको छ।
