ओखलढुंङाको सिद्धिचरण नगरपालिकामा जिप दुर्घटना हुँदा एक जनाको मृत्यु भएको छ।
बुधबार बिहान को २ च १३४९ नम्बरको जिप सडकबाट तल खस्दा जिपका चालक सिद्धिचरण नगरपालिका १ तलुवाका २१ वर्षीय शिवकुमार श्रेष्ठको घटनास्थलमै मृत्यु भएको प्रहरीले जनाएको छ।
दुर्घटनामा सहचालक मानेभञ्जयाङ गाउँपालिका ७ टोक्सेलका १९ वर्षीय अर्जुन गौतम गम्भीर घाइते भएका छन। घाइतेको मिशन अस्पतालमा उपचार भइरहेको प्रहरीले जनाएको छ।
ओखलढुंगाबाट बोइलर कुखुरा लिएर सोलुखुम्बुतर्फ जाँदै गरेको जिप बिहान ३ बजे सिद्धिचरण नगरपालिका ११ स्थित सोलु ओखलढुङ्गा सडकखण्डमा दुर्घटना भएको प्रहरीले जनाएको छ।
