गत सोमबार राति अज्ञात समूहको गोली तथा खुकुरी प्रहारबाट गम्भीर घाइते भएका कैलालीको घोडाघोडी नगरपालिका मेयर ममताप्रसाद चौधरीलाई थप उपचारका लागि त्रिवि शिक्षण अस्पताल टिचिङमा ल्याइएको छ।
स्थानीय अस्पताल हुँदै कोहलपुर मेडिकलमा पुर्याइएका चौधरीको थप उपचारका लागि उनलाई मंगलबार बिहान राजधानी ल्याइएको हो।
घाइते मेयरलाई अहिले त्रिवि शिक्षण अस्पताल टिचिङमा राखिएको नेपाल प्रहरीका प्रवक्ता डीआईजी मनोज नेउपानेले जानकारी दिए।
सोमबार राति करिब सवा ८ चौधरीलाई अज्ञात समूहले घरभित्रै पसेर आक्रमण गरेको थियो।
अज्ञात समूहले मेयर चौधरीको तिग्रामा गोली र टाउकोमा खुकुरी प्रहार गरेको थियो। मेयर चौधरीको अवस्था खतरा मुक्त रहेको पनि प्रवक्ता नेउपानेले जनाए।
