सोमबार काठमाडौंमा भएको विमान दुर्घटनामा परि पोखराका एक जनाको ज्यान गएको छ।
पोखरा लेखनाथ महानगरपालिका ६ जरेवरका सञ्जय पौडेलको मृत्यु भएको हो।
युएस बंगला एयरलाइन्सको विमान दुर्घटना हुँदा बंगलादेशस्थित जलालावाद राजीव राबिया मेडिकल कलेज एण्ड हस्पिटलमा एमविविएस सकेर नेपाल फर्किदै गरेका पौडेलको मृत्यु भएको हो।
उनका बाबु सञ्जयलाई लिन काठमाडौं विमानस्थलमा पुगेका थिए। उनका बाबु दामोदर पौडलले पोखराको लेकसाइडमा व्यवसाय गर्दै आएका छन्। सञ्जय एक मात्र छोरा हुन्।
माछापुच्छ्रे गाउँपालिका ६ धिताल घर भएका दामोदर उनका दुई भाइसहित पोखरामा लामो समयदेखि व्यवसाय गर्दै आएका छन्। सञ्जय पोखराले मदरल्याण्ड माविबाट एसएलसी पास गरेका थिए।
