मदिरा सेवन गरी दरबारमार्गमा शुक्रबार बिहान ३ बजे बाटोमा हल्ला गर्ने ५ जनालाई प्रहरीले खुकुरीसहित पक्राउ गरेको छ।
महानगरीय प्रहरी वृत्त दरबारमार्गको प्रहरी टोलीले शुक्रबार बिहान ३ बजे महेन्द्र शालिकबाट मोरङका सुवास पोखरेल, म्याग्दीका राजन हमाल, रुपन्देहीका निरज खत्री, मुगुका शिवराज बिसी र गुल्मीका सुरभ भण्डारीलाई पक्राउ गरेको प्रहरीले जनाएको छ।
पक्राउ परेकाहरूको साथबाट एक थान खुकुरीसमेत बरामद भएको प्रहरीले जनाएको छ।
मदिरा सेवन गरी सडकमा होहल्ला गर्दै गरेका बेला उनीहरूलाई पक्राउ गरिएको र साथबाट खुकुरीसमेत बरामद भएको महानगरीय प्रहरी वृत्त दरबारमार्गले जनाएको छ ।
