दाङमा भएको हायस दुर्घटनामा परि तीनजना घाइते भएका छन्।
पूर्वपश्चिम राजमार्ग अन्तरगत दाङको लमहीमा गएराति साढे ११ बजेतिर भएको हायस दुर्घटनामा परि सुर्खेत जिल्ला निवासी तीन जना घाइते भएका छन्।
दुर्घटनामा सुर्खेत निवासी ३२ वर्षीय नन्दबहादुर पौडेल मगर, १९ वर्षीय विमला सारु, सुर्खेत लेखवेसी नगरपालिका वडा नम्बर ८ निवासी ११ वर्षीय प्रकाश पुलामी घाइते भएका छन्। घाइतेहरूको लमहीमा प्रारम्भिक उपचारपछि थप उपचारको लागि बाँकेको कोहलपुर ‘रेफर’ गरिएको छ। सबै घाइतेको अवस्था खतरा मुक्त रहेको प्रहरीले जानकारी दिएको छ।
जन्ती छोडेर हेटौंडाबाट सुर्खेततर्फ फर्कंदै गरेको बा ५ ख १८९१ नम्वरको हायस लमही नगरपालिका वडा नम्बर ४ हस्पिटल मोडमा दुर्घटना भएको थियो। तीव्र गतिका कारण अनियन्त्रित भएर उक्त हायस दुर्घटनामा परेको वडा प्रहरी कार्यालय लमहीका प्रमुख एवं प्रहरी निरीक्षक सुरज खड्काले जानकारी दिए।
