पोखराको विजयपुरमा आइतबार राति साढे ११ बजे दुर्घटना हुदाँ दुई प्रहरीको मृत्यु भएको छ।
बागलुङबाट काठमाडौं जादै गरेको बा ४ ख ५७५८ नम्बरको बसले पोखरा आउँदै गरेको ग ११ प ३६४५ मोटरसाइकललाई ठक्कर दिँदा मोटरसाइकलमा सवार दुई प्रहरी मृत्यु भएको हो।
वडा प्रहरी कार्यालय बैदाममा कार्यरत प्रहरी जवान सुशील बानियाँ र प्रदिपकुमार यादवको मृत्यु भएको कास्कीका प्रहरी प्रमुख अशोक सिहंले जानकारी दिए।
दुर्घटनापछि घाइते भएका उनीहरूलाई उपचारका लागि पोखरा स्वास्थ्य विज्ञान प्रतिस्ठानमा ल्याए पनि डाक्टरले मृत घोषणा गरेका थिए।
