पोखरा लेखनाथ महानगरपालिका ४ फिर्केपुलमा मोटर साइकल दुर्घटना हुँदा एक जनाको मृत्यु भएको छ।
मंगलबार राति साढे ११ बजे ग ११ प ६१२३ नम्बरको मोटरसाइकल पुलमा दुर्घटना हुँदा मोटरसाइकलमा सवार पोखरा १ सिम्पानी बस्ने २९ वर्षिय ऋषिकेश पहारीको मुत्यु भएको हो।
घाइते पहारीको उपचारका लागि फिस्टेल अस्पताल लगिएलगत्तै डाक्टरले मृत घोषणा गरेका हुन्।
मोटरसाइकको पछाडि बसेका पोखरा २५ हैम्जाका २८ वर्षिय विमल थापा घाइते छन्। उनको हात, खुट्टा र शरीरमा चोट लागि गम्भीर अवस्थामा छन्। उनको हाल अस्पतालमा उपचार भइरहेको छ।
