सुर्खेतको मालारानीमा ट्याक्टर दुर्घटना हुँदा ३ जनाको मृत्यु भएको छ । गुर्भाकोट नगरपालिका २ मा पर्ने मालारानीस्थित कोटखोला नजिक मंगलबार बिहान भे १ ख ६१६८ नं. को ट्याक्टर दुर्घटना हुँदा चालकसहित ३ जनाको मृत्यु भएको हो ।
स्थानीय खरिगैरा बजारबाट घर निर्माणका लागि सरिया लिएर जाँदै गरेको ट्याक्टर दुर्घटना भएको प्रहरीले जनाएको छ।
दुर्घटनामा गुर्भाकोट–८ मेहेलकुनाका फत्तबहादुर विक, शशिराम विक र नारायण खत्रीको मृत्यु भएको जिल प्रहरी कार्यालय सुर्खेतले जनाएको छ ।
दुर्घटनामा २ जना घाइते भएका छन् । दुर्घटनामा घाइते दुवै जनाको मेहलकुना अस्पतालमा उपचार भइरहेको छ । ओरालोमा गाडीको गति नियन्त्रण गर्न नसक्दा दुर्घटना भएको प्रहरीले जनाएको छ ।
